Според светските статистики, речиси 19% од мажите имаат некаков облик на еректилна дисфункција (ЕД), односно 1 од секои 5.
Преваленцата на ЕД се зголемува со возраста, па така лесната или умерената ЕД се зголемува за 10% со секоја деценија од животот. На пример, 60% од мажите над 60 годишна возраст може да доживеат некоја форма на ЕД.
Како и да е, ЕД исто така може да им се случи и на помладите мажи. 1 од 4 мажи кои за прв пат бараат третман за ЕД е под 40 години. Студиите наведуваат силна корелација меѓу пушењето и употребата на дрога кај овие мажи, во споредба со повозрасните. Навиките и начинот на живот се многу важни фактори за ЕД кај помлади мажи.
Иако ризикот за ЕД расте со годините, ЕД не е задолжителна и неизбежна. Општо кажано, колку сте поздрави, толку се подобри сексуалните функции.
Превенција
Може да преземете неколку чекори за да спречите ЕД, од кои повеќето се однесуваат на здрав живот:
Контролирајте ги медицинските состојби како што се срцева болест или дијабет
Имајте редовна физичка активност
Одржувајте нормална телесна тежина
Фокусирајте се на здрава исхрана
Смалете или контролирајте го стресот
Побарајте помош во случаи на вознемиреност или депресија
Ако пушите тутун, престанете
Консумирајте алкохол умерено и одговорно
Не користете лекови кои не се препорачани од Вашиот лекар
Одете на редовни контролни прегледи. Вашиот доктор ќе ги следи важните клинички показатели, како што се крвниот притисок и нивото на холестерол во крвта. Ова може да помогне за рано одредување и третман на состојби кои потенцијално може да предизвикаат ЕД.
Причини
Постојат многу вообичаени причини, од кои дел се:
здравствена состојба
болест
стрес
лекови
алкохол
проблеми во врската со партнерот
напредна возраст
Прогноза
Во повеќето случаи, симптомите на ЕД може да се подобрат. Докторите имаат на располагање многу препарати и третмани.
Вашиот третман ќе зависи од широк спектар на фактори, вклучително тежината на ЕД и тоа дали е предизвикана од некоја специфична здравствена состојба. Во консултација со Вашиот доктор ќе дознаете кои се предностите и недостатоците на сите препарати или третмани.
Најважно е да се запамети дека ЕД е вообичаена состојба. Ако имате симптоми на ЕД, не се колебајте да поразговарате со Вашиот доктор. На тој начин ќе се исклучат сите посериозни причини и ќе се започне со третман.
